台灣勞基法真的很保障員工嗎？
今日里奧叔叔好忙，點解？一嚟我地準備咗好耐既日希移民公司終於今日正式投入服務「牌照號碼C0275」,另外因為台灣連續6日 零確診加上5.1假期，雖然鋼鐵陳部長話只可以輕鬆但千萬唔好放鬆，不過今日好多人都出翻嚟行街買野，之前幾個月鋪頭都受疫情影響生意大減，但係今日爆出人潮，雖然店長們就算有事都已經甚少直接搵里奧叔叔，但今日係國定假期，除咗店面輪班制既同事要開工之外，back office 既同事今日全部放假，咁鋪頭有需要時唔搵老闆仲可以搵邊個？
勞基法規定國定假期上班要Double pay
里奧叔叔Back office 有四個人，會計、倉管、Admin 、Marketing , 勞基法有規定同事每上班5天就要有兩日「一例一休」，而每日亦只可上班8小時，超過日數和時數都要比加班費，加班費又必需要跟勞工局規定既方法計算加班費，仲有呀 ，每日連續工作四小時就要比員工休息30分鐘，所以back office 返9-6，中間一個鐘頭係lunch hour ，全日上班8小時，禮拜六日+國定假期就休息。
輪班制又可以點安排呢？
做得零售服務業就多數週六日都要返工，國定假期+週六日要返工係咪都要比double pay呢 ?
勞基法其實都有規定員工如果上班時間係輪班制，只要有遵守每5日就一例一休+每日工作8小時（每四小時休息30分鐘），假期方面係可以由公司與雇員協商以排假和調假形式進行，但一切都要依勞基法規定去做，否則最後被罰款既都會係企業老闆。
例子：五月份一例一休合共有10日假，再加上5.1係國定假期即一共11日，月薪制既同事就要安排在五月有11日假，但一定要遵守連續上班唔可以超過5日，而每日又唔可以超過8小時，如果有超過都一律要再計加班費。
再嚟，咁做零售業又點樣可以工作四小時就安排休息30分鐘呢？哈哈，呢個就真係好難安排，但如果你唔做，萬一你員工辭職後就去告你，勞工局一定會企係雇員既立場，一經被告成立就先罰三萬再補翻加班費比員工。
里奧叔叔再舉例：同事返夜班，臨收工前10分鐘有客人到訪，半小時後同事先收工，咁同事係咪又要計加班呢？🤔 答案「係」
再嚟，全日忙到爆燈，客人一個接一個，全部同事都做左超過四小時都未有休息，同事都唔計較呢個問題，咁雇主係咪又唔洗跟到咁足呢？ 🤔 答案「都要跟足」
員工就職前話一切都按公司安排，但最後如果員工提告，公司將成為輸家
咁到底可以點樣在保障員工時又同時保障公司利益呢？
真實地去遵守勞基法
呢個講法係咪有D廢話？😁 正所謂國有國法，我地既然嚟到台灣做生意，就應該去遵守呢度既法例，但遵守時為免一些不必要既爭執 ，就一定要與員工簽定合約或工作守則。
就以上里奧舉既例子，工作守則主要內容點寫？
1, 要寫明員工上班的9小時內有一小時休息時間，而上班四小時後員工需自行安排。
2, 要寫明輪班制度，協商方法及執行方法。
3, 如果你沒有要求同事加班，收工前的客人接待與否由員工自行決定「因為佣金制」，就最好列明公司係冇加班制度，但當然如果你列明咗冇加班亦唔可以由老闆去要求同事加班。
簡單講就係口講無憑，但有關工作守則都要注意一定要遵守勞基法規定去寫，自己設計既內容只要不合勞基法規定，一概不合法。
實際經驗話比里奧知，就職前員工多數咩都OK , 但辭職後有小部份會搵機會提告，目的就好難講啦。
其實勞基法仲有好多規定，如果要背書式講比大家聽就可能要講一個禮拜，所以里奧叔叔既分享未必係最佳處理方法，但所有都係實實在在的經歷，只供大家參考。
如果大家對員工方面有問題都可以留言，大家可以交流下心得
#里奧叔叔
#投資移民
#台灣移民
#移民台灣
Search